Filastrocca dialettale del carnevale scillese
A sòggira ca nora
La nuora: - I cchiù difficili tri cosi sunnu
chi supra ri sta terra non si sannu,
se si sapiva lu mari quant'è fundu
e dintra 'o cori l'omini chi hannu
la donna non cariva 'nta l'ingannu
appena maritata mi s'annigghia
comu m'annigghiaia eu, povira figghia!
La soggira chi dormi s'arrussigghia.
Bucca ri forbici chi sempri tagghia,
apri la bucca e gghetta 'na strigghia,
all'usu ri lu sceccu quandu ragghia.
Suocera: - Ti lussi stata cu la to famigghia
e mi lassavi a me figghiu schettu
chi non avi nè paci nè rigettu.
Nuora: - non fustu vui, bucca di friscalettu,
chi m'angannastu cu stu mussu sciuttu?
Mi ricistu chi vostru figghiu m'ama e m'arrispetta
e pi lavurari fa na cosa ri tuttu.
Ora lu viru ch'è nu catalettu, .
faci na jurnateddha e si senti tuttu rruttu.
E ora senza agghiu e senza ali,
m'a ttucca u stu bellu carnaluvari.
Suocera: - Hai raggiuni mi menti riletti,
me figghiu curpa - chi mm'è binirittu
cu 'nci lu riciva mi sa sta schettu
a costu di mangiari pani sciuttu.
Armenu si jazava di lu lettu:
romini patri e senza pinzeri,
non haiu figghi e mancu muggheri.
Chi mi purtasti ddhi inzola strazzati e vecchi?
Nuora: - Eu purtaia inzola novi e ricamati
chi vui anfina chi campati
non di viristu e non di viriti.
E vostru figghiu chi mi purtau?
I raneri? I rivani? I sufà?, (1)
Mi purtau tri seggi e quattru tavuli di lettu
chi tremu mi mi curcu e mi m'assettu.
(1) granai, divani, sofà
Insieme costruiamo la comunità - Gennaio 1986